پاکستان اے کرکٹ ٹیم کے ہیڈ کوچ باسط علی کا کہنا ہے کہ دورہ انگلینڈ نوجوان کھلاڑیوں کے کیرئیر کے لئے بڑی اہمیت کا حامل ہے ۔
انگلینڈ روانگی سے قبل جیو نیوز سے گفتگو میں سابق ٹیسٹ کرکٹر باسط علی نے کہا کہ ٹیم میں شامل تمام کھلاڑی باصلاحیت ہیں ۔ وہ پاکستان ٹیم میں شامل ہونے کے منتظر ہیں ۔ اس دورے سے وہ سلیکٹرز کی توجہ حاصل کرنے میں کامیاب ہو سکتے ہیں ۔
باسط علی نے کہا کہ انگلش کنڈیشنز میں کھیلنا آسان نہیں ہوتا ۔ نوجوان کھلاڑیوں کو انگلش کنڈیشنز میں کھیلنے کا موقع ملے گا جس سے کیرئیر میں انہیں بہت فائدہ ہو گا ۔