بالی ووڈ کے معروف اداکار بوبی دیول کا فلم ’اینیمل‘ میں اسکرین ٹائم کم ملنے پر ردِعمل سامنے آ گیا۔
بوبی دیول نے فلم ’اینیمل‘ میں ولن کا کردار ادا کیا ہے لیکن فلم میں اُنہیں اسکرین ٹائم بہت کم ملا۔
اُنہوں نے اس حوالے سے بھارتی میڈیا کو انٹرویو دیتے ہوئے بتایا کہمجھے اسکرین ٹائم کی کمی سے کوئی مسئلہ نہیں ہے اور میں فلم کا کنٹریکٹ سائن کرتے ہوئے اس بات سے آگاہ تھا۔
بوبی دیول نے کہا کہفلم میں جو کردار میں نے ادا کیا اصل اہمیت اس کردار کی ہے لیکن پھر بھی میری خواہش تھی کہ اس کردار کو اسکرین پرکچھ مزید وقت دیا جاتا۔
اُنہوں نے کہا کہ مجھے یہ بھی معلوم تھا کہ میرے پاس اس فلم کی شوٹنگ کے لیے صرف 15 دن ہوں گے اور میں اس کے بعد سیٹ پر نہیں ہوں گا لیکن شائقین کی جانب سے جس طرح اس کردار کو محبت دی جا رہی اسے دیکھ کر میں بہت خوش ہوں۔