نیشنل ویمن فٹ بال چیمپئن شپ ملتوی کردی گئی۔
پاکستان فٹ بال فیڈریشن (پی ایف ایف) کے مطابق نیشنل فٹ بال چیمپئن شپ 5 سے 21 مئی تک کراچی میں کھیلی جانی تھی۔
پی ایف ایف کے مطابق متعدد کلبوں کی جانب سے فیڈ بیک کے بعد اسے ملتوی کرنے کا فیصلہ کیا گیا ہے، تعلیمی سرگرمیوں اور چیمپئن شپ کی تاریخوں میں تصادم کی وجہ سے ایونٹ ملتوی کیا گیا۔
پی ایف ایف کی جانب سے کہا گیا ہے کہ یہ ایک مشکل فیصلہ تھا، اگلے شیڈول کا اعلان مشاورت سے کیا جائے گا جبکہ چیمپئن شپ کے نئے شیڈول کا اعلان جلد کردیا جائے گا۔