بدو بدی کا خمار پاکستانی سابق کرکٹرز، تجزیہ کاروں اور میزبان فخر عالم پر بھی چڑھ گیا۔
یوں تو بدو بدی ان دنوں سوشل میڈیا پر خوب وائرل ہو رہا ہے اور ہر ایک اس کے بخار میں مبتلا اس پر لپسنگ کرکے ویڈیوز شیئر کرتا دکھائی دے رہا ہے۔
یاد رہے کہ کچھ عرصہ قبل پاکستانی نژاد برطانوی چاہت فتح علی خان کی آواز میں ریکارڈ ہونے والے ’ بدو بدی‘ کے ورژن نے اس قدر مقبولیت حاصل کرلی تھی کہ اسے یوٹیوب پر 28 ملین سے زائد بار دیکھا گیا تھا۔
بعدازاں کاپی رائٹس کی وجہ سے اسے یوٹیوب سے ہٹا دیا گیا تھا، تاہم اب چاہت فتح علی خان نے ایک بار پھر اسی گانے کو بدو بدی 2 کا نام دیکر سوشل میڈیا سائٹ انسٹاگرام پر نئی ویڈیو شیئر کی ہے۔
اس گانے کی مقبولیت اس قدر بڑھ گئی ہے کہ بین الاقوامی فنکار دلجیت دوسانجھ، گرو رندھاوا، کِلی پال اور کے پاپ اسٹارز سمیت دیگر کئی فنکاروں نے اس کی ویڈیو بنائی ہے تاہم اب اس کا خمار وسیم اکرم، وقار یونس اور فخر عالم کے سر چڑھ کر بول رہا ہے۔
فخر عالم اور وسیم اکرم نے اپنے انسٹا اکاؤنٹ سے ایک ٹک ٹاک ویڈیو مشترکہ طور پر شیئر کی ہے جس میں ان دونوں کو وقار یونس کے ساتھ اس گانے پر مزاحیہ انداز میں لپسنگ کرتے دیکھا جاسکتا ہے۔
ان کی ویڈیو کو اصل ویڈیو کے مقابلے زیادہ پسند کیا گیا، سوشل میڈیا صارفین ان کی ویڈیو پر کمنٹس میں تبصرہ کرتے ہوئے وسیم اکرم کو پرفیکٹ ایکسپریشنز پر داد دے رہے ہیں جبکہ شائقین فخر عالم اور وقار یونس کو بھی پسند کر رہے ہیں۔