کراچی (اعجاز۔۔۔ اسٹاف رپورٹر) ایمپلائز اولڈ ایج بینی فٹس انسٹی ٹیوشن (ای او بی آئی)ریجنل آفس، اسلام آباد کو 2 حصوں میں تقسیم کردیا گیا، جس کے نتیجے میں متعدد فیلڈ آپریشنز افسران کے تبادلے و تقرریاں عمل میں لائی گئی ہیں۔قبل ازیں ادارے میں بڑھتے ہوئے کام کے دباؤ کے باعث 17مئی 2024ء کو ہوئے بورڈ آف ٹرسٹیز (بی او ٹی) کے 132ویں اجلاس میں ریجنل آفس، اسلام آباد کو 2حصوں میں تقسیم کرنے کی منظوری دی گئی تھی اور یکم جولائی 2024ءکو اس ضمن میں باضابطہ نوٹیفیکیشن جاری کردیا گیا۔