ڈھاکہ (این این آئی )بنگلا دیش میں جاری طلبہ کا احتجاج سنگین صورتحال اختیا کر گیا ہے، پاکستانی ہائی کمیشن کا پاکستانی طلبہ کر کیمپس سے باہر نہ نکلنے کا مشورہ، پاکستانی سفارتخانے نے مصیبت میں مبتلا افراد کی سہولت کیلئے ای میل ایڈریس اور ہیلپ لائن نمبر بھی جاری کردیا ہے،بیرون ملک سے آئے طلبہ واپس اپنے وطن لوٹنے پر مجبور ہوگئے جن میں300بھارتی طلبہ بھی شامل ہیں جبکہ پاکستانی ہائی کمیشن بنگلا دیش نے پاکستانی طلبہ کو کیمپس میں اپنے کمروں سے باہر نہ نکلنے کا مشورہ دیا ہے۔ پاکستانی ہائی کمیشن بنگلا دیش کی جانب سے جاری ہونے والے بیان کے مطابق پاکستانی ہائی کمیشن نے پاکستانی شہریوں کو اپنی حفاظت کے لیے ہر ممکن احتیاط برتنی اور احتجاج سے دور رہنے کا مشورہ دیا ہے۔ اس کے ساتھ ہی پاکستانی سفارت خانے نے مصیبت میں مبتلا افراد کی سہولت کے لیے ای میل ایڈریس اور ہیلپ لائن نمبر بھی جاری کردیا ہے۔