اسلام آباد (رپورٹ:حنیف خالد) ایڈیشنل ڈی جی سول ایوی ایشن اتھارٹی آف پاکستان (اے وی ایم) تیمور اقبال کی سربراہی میں 47 ویں ای کچہری کا انعقاد پی سی اے اے ہیڈ کوارٹر میں ہوا۔مسافروں کی شکایات کے ازالہ کی ہدایت کی گئیں ،ڈپٹی ڈی جی ائرپورٹس صادق الرحمان، ڈپٹی ڈی جی ورکس اینڈ ڈویلپمنٹ سمیر سعید، مختلف محکموں کے ڈائریکٹرز اور پی اینڈ ایل، آئی ٹی اور ویجیلنس کے نمائندے بھی میٹنگ میں موجود تھے۔ ای کچیری کے دوران وصول ہونیوالی جن شکایات کا ازالہ کیا گیا ان میں ٹکٹ رقم کی واپسی کی درخواستیں، مارک شیٹ وصولی میں تاخیر، لاہور میں سی پی ایل امتحانی مرکز کے قیام کی درخواست، ہوائی اڈوں کے ڈیزائن کے بارے میں خدشات، لاہور کے علامہ اقبال انٹرنیشنل ائرپورٹ پر انفراسٹرکچر کے مسائل اور رشوت کی رپورٹس جیسے مسائل شامل تھے۔ ایڈیشنل ڈی جی نے موقع پر ہدایات جاری کیں اور یقین دلایا کہ تمام شکایات کا ازالہ کیا جائیگا۔