کراچی (اسٹاف رپورٹر)متحدہ قومی موومنٹ (ایم کیو ایم) پاکستان کے سینئر رہنما سید مصطفیٰ کمال نے وفاقی وزیر توانائی اویس لغاری سے ایم کیو ایم وفد کے ساتھ اسلام آباد میں وزارت انرجی کے دفتر میں ملاقات کی۔ملاقات کے دوران ملک میں موجود بجلی کی لوڈ شیڈنگ اور آئی پی پیز کے حوالے تفصیلی گفتگو کی گئی۔ملاقات کے اختتام پر میڈیا نمائندگان سے گفتگو کرتے ہوئے مصطفٰی کمال نے کہا کہ پاکستان میں موجود مسائل میں سے سب سے بڑا مسئلہ بجلی کا ہے امیر غریب دونوں اس مسئلے پر پریشان ہیں ہر دور میں آئی پی پیز لگائے گئے ہیں ان معاہدوں سے ملکی معیشت رک گئی ہے۔