لندن (پی اے) ماہرین نے کہا ہے کہ این ایچ ایس سوپ اور شیک ڈائیٹ ٹائپ 2 ذیابیطس کے شکار لوگوں کو ان کی حالت مدد دے سکتی ہے۔ ایک نئی تحقیق سے پتا چلا ہے کہ جو لوگ غذا اور طرز زندگی کے پروگرام پر عمل کرتے ہیں، ان کا وزن کافی حد تک کم ہو سکتا ہے۔ جریدے لینسیٹ ذیابیطس اور اینڈو کرائنولوجی میں شائع ہونے والے ایک نئے مقالے کے مطابق تقریباً ایک تہائی اپنی قسم ذیابیطس 2کے اثرات سے بچ سکتے ہیں۔ سال بھر جاری رہنے والا پروگرام لوگوں کو پہلے 12 ہفتوں کے لئے سوپ، شیک اور بارز کی کم کیلوری والے کھانے کے متبادل غذا کے ساتھ وزن کم کرنے میں مدد کرتا ہے۔ اس کے بعد لوگوں کو صحت مند کھانا دوبارہ متعارف کرانے کی ترغیب دی جاتی ہے اور ان کے وزن میں کمی کو برقرار رکھنے کے لئے تعاون کیا جاتا ہے۔ این ایچ ایس انگلینڈ نے کہا کہ مقالے سے پتہ چلتا ہے کہ اس کا ٹائپ 2 ذیابیطس پاتھ ٹو ریمیشن پروگرام اس حالت میں مبتلا ہزاروں لوگوں کو فائدہ پہنچا سکتا ہے۔ اس سال کے شروع میں اعلان کیا گیا تھا کہ اس اقدام کو اس سال پورے انگلینڈ میں شروع کیا جائے گا، جس سے پروگرام کی صلاحیت کو دوگنا کیا جائے گا۔ نئی تحقیق میں ستمبر 2020سے 2022کے آخر تک پروگرام میں حصہ لینے والے 7540افراد کے ڈیٹا کا جائزہ لیا گیا۔ ان میں سے 945 نے پروگرام کا پورا سال مکمل کیا اور خون کے نمونے فراہم کئے تھے۔ اس گروپ میں سے32 فیصد کی کیفیت بہتر ہوئی تھی، جس کی وضاحت وقت کے ساتھ اوسطاً خون میں گلوکوز (شوگر) کی سطح سے کی گئی تھی، جس میں اوسطاً15.9 کلو گرام وزن کم ہو گیا تھا،کچھ کا وزن17.4 کلو تک کم ہو گیا تھا۔ این ایچ ایس انگلینڈ کے نیشنل کلینیکل ڈائریکٹر برائے ذیابیطس اور موٹاپاڈاکٹر کلیئر ہیمبلنگ نے کہا کہ این ایچ ایس کا (ٹائپ 2 ڈائبیٹک پاتھ ٹو ری میشن) پروگرام شرکاء کی زندگیوں پر بہت زیادہ اثر ڈال سکتا ہےاور یہ شاندار ہے کہ یہ نتائج ان لوگوں کی ایک بڑی تعداد کو ظاہر کرتے ہیں، جنہوں نے مکمل کیا ہے۔ انہوں نے زندگی بدلنے والے فوائد دیکھے ہیں، جن میں وزن میں کمی اور ٹائپ 2 ذیابیطس کی سطح میں کمی شامل ہے۔ ہم جانتے ہیں کہ موٹاپا برطانیہ میں صحت کے لئے سب سے بڑے خطرات میں سے ایک ہے اور یہ عالمی سطح پر صحت کے نظام کے لئے سب سے بڑے اور مہنگے چیلنجز میں سے ایک ہوگا، اس لئے ہمارے پروگرام کے اس طرح کے حوصلہ افزا نتائج کو دیکھ کر یہ ظاہر ہوتا ہے کہ موٹاپے سے نمٹا جا سکتا ہےاور ہم مناسب وقت میں اس پروگرام میں مزید توسیع کے منتظر ہیں۔ مطالعہ پر تبصرہ کرتے ہوئےذیابیطس یو کے میں تحقیق کی ڈائریکٹر ڈاکٹر الزبتھ رابرٹسن نے کہا کہ ذیابیطس یو کے کو اس بات پر فخر ہے کہ اس نے ایک دہائی سے زیادہ کی تحقیق کے لئے فنڈز فراہم کئے ہیں، جس نے ٹائپ 2 ذیابیطس کے شکار لوگوں کے لئے نئے پروگرام شروع کئے۔ یہ تازہ ترین نتائج حقیقی دنیا کے شواہد میں اضافہ کرتے ہیں کہ این ایچ ایس انگلینڈ ٹائپ 2 ذیابیطس پاتھ ٹو ریمیشن پروگرام ہزاروں لوگوں کو ٹائپ2 ذیابیطس کے ساتھ ان کے وزن میں کمی میں مدد کر سکتا ہے، جس کے بارے میں ہم جانتے ہیں کہ مشکل ہے اور اس کی حمایت کرنا بہت ضروری ہے۔ ہمیں امید ہے کہ آنے والے برسوں میں اور بھی زیادہ لوگ مستفید ہوتے ہوئے دیکھیں گے اور پروگرام کے حوالہ جات میں اضافہ ہوگا خاص طور پر ان لوگوں کے لئے جن کی حال ہی میں ٹائپ2ذیابیطس کی تشخیص ہوئی ہے اور نوجوان لوگوں میں جہاں ٹائپ2 ذیابیطس کا اثر سب سے زیادہ ہے۔