چینی وزارت خارجہ کا کہنا ہے کہ چین پاکستان کے ساتھ مل کر اقتصادی راہداری منصوبے کی تعمیر کو آ گے بڑھائے گا۔
چین کی وزارت خارجہ کی ترجمان ہوا چھون اینگ نے سی پیک اسلام آباد کانفرنس کے حوالے سے ایک سوال پر کہاکہ سی پیک چین اور پاکستان دونوں ملکوں کی حکومتوں کے درمیان اتفاق رائےکا نتیجہ ہے۔
جو دونوں ممالک کے درمیان باہمی روابط اور معاشی و تجارتی شعبے میں تعاون کے لیے انتہائی اہمیت رکھتا ہے۔ انہوں نے کہا کہ سی پیک منصوبہ مکمل عمل در آمد کے مرحلے میں داخل ہو گیا ہے۔