جماعت اہلسنت کے تحت سہون دھماکے اور دہشتگردی کے واقعات کیخلاف کراچی میں احتجاجی ریلی نکالی گئی اور وزیر اعلیٰ ہاؤس تک جانے کی اجازت نہ ملنے پر دھرنا دیا گیا۔
رہنماؤں کا کہنا تھا کہ اولیاء اور بزرگان دین کے مزار امن پھیلانے کے لیے ہیں۔
جماعت اہلسنت کے تحت کراچی میں نکلنے والی ریلی کو وزیراعلیٰ ہاؤس جانے کی اجازت نہ ملنے پر شرکا نے آرٹس کونسل چورنگی پر دھرنا دے دیا۔
حاجی حنیف طیب، مولانا کوکب اوکاڑوی، ڈاکٹرمحمود اشرف ، مولانا مظفر حسین شاہ اور شاہ عبدالحق نے کہا کہ حکومت دہشت گردی کے خاتمے میں ناکام ہوچکی ہے۔
انہوں نے آرمی چیف سے اپیل کی کہ دہشتگردوں کا خاتمہ کیا جائے، ان کا کہنا تھا کہ مزار پر جانے والے اور دھمال ڈالنے والوں میں فرق ہے، اولیاء کے مزار امن کے لئے ہیں۔