پیپلزپارٹی کے چیئرمین بلاول بھٹو زرداری کا کہنا ہے کہ جے آئی ٹی رپورٹ نے ثابت کردیا کہ شریف فیملی نے کرپشن کی۔
کراچی میں شاہراہ فیصل ڈرگ روڈ پر انڈرپاس کے افتتاح کے بعد تقریب سے خطاب کرتے ہوئےانہوں نے کہا کہ ہمیں بھی پاناما کیس پر سپریم کورٹ کے فیصلے کا انتظار ہے۔
انہوں نے کہا کہ امید ہے سپریم کورٹ سے انصاف ملے گا اور انہیں نکالا جائے گا۔
بلاول بھٹو کا کہنا تھا کہ پیپلزپارٹی نے ہمیشہ کراچی کو اونر شپ دی ہے، شہر میں صفائی کے نظام میں بہتری آرہی ہے جب کہ ترقیاتی کاموں کا سلسلہ بھی جاری ہے۔
اپنے خطاب کے اختتام پر بلاول بھٹو زرداری نے ’مک گیا تیرا شو نواز، گو نواز‘ کے نعرے بھی لگائے۔