آئے دن ٹریفک حادثات نہ صرف مالی بلکہ جانی نقصان کا سبب بھی بنتے ہیں اور اگر ٹریفک قوانین کا احترام نہ کیا جائے تو اپنے ساتھ ساتھ یہ دوسروں کے لئے بھی نقصان کا باعث بنتا ہے ۔
امریکا کی ایک ہائے وے پر بھی ایسا ہی خطرناک حادثہ اس وقت رونما ہوا جب قریب جنگل میں لگی آگ کی وجہ سے دھویں کے گہرے بادل نے ٹریفک کی روانی روک دی تاہم ایک سر پھرا ڈرائیور اس کے باوجود مسلسل آگے بڑھتا رہا۔
ہائے وے پر کچھ دکھائی نہ دینے کے باوجود بھی کار ڈرائیور نے گاڑی نہ روکی جس کے نیتجے میں مخالف سمت میں کھڑی کار سے ڈرائیور بری طرح ٹکرا گیا۔
خطرناک حادثے میں جہاں دونوں گاڑیوں کاکباڑہ نکل آیا وہیں لوگ بھی خوفزدہ ہو گئے تاہم سرپھرا ڈرائیور محفوظ رہا۔