وزیرخزانہ اسحاق ڈارنےٹیکس گوشواروں کی تاریخ بڑھانےکی منظوری دے دی جس کے بعد ٹیکس گوشوارے جمع کرانے کی مدت میں 15 دن کی توسیع کر دی گئی۔
وزارت خزانہ کے مطابق ٹیکس گوشوارے جمع کرانے کی تاریخ 30 نومبر کردی گئی ہے، گوشوارے جمع کرانےکی نئی تاریخ کا اطلاق کمپنیوں پر نہیں ہوگا۔
وزارت خزانہ کے اعلامیے میں یہ بھی کہا گیا ہے کہ نئی تاریخ کا اطلاق صرف تنخواہ دار اور نجی افراد پر ہو گا۔
واضح رہے کہ انکم ٹیکس گوشوارے جمع کرانے کی آج آخری تاریخ ہونے کے باعث ملک کی تمام ٹیکس بار ایسوسی ایشنز نے انکم ٹیکس گوشوارے جمع کرانے کی تاریخ31 دسمبر تک بڑھانے کا مطالبہ کیا تھا ۔
ٹیکس بار ایسوسی ایشنز کا کہنا تھا کہ اگر تاریخ نہ بڑھی تو 5 لاکھ سے زائد افراد پر انکم ٹیکس گوشورے جمع نہ کرانے کے جرمانے کے ساتھ آڈٹ میں بھی چلے جائیں گے۔