قومی کدو پارٹی چھوڑنے کے بعد ڈوڈو نے زہریلا بیان دیا،
’’مبشر کدو پارٹی کا عسکری ونگ چلاتا تھا۔‘‘
میں نے جوابی بیان داغا،
’’ڈوڈو کدو پارٹی کے کرپشن ونگ کا سربراہ تھا۔‘‘
ڈوڈو نے پھر ہرزہ سرائی کی،
’’مبشر کدو پارٹی کے بھتا گروپ کا نگران تھا۔‘‘
میں نے جوابی وار کیا،
’’ڈوڈو کدو پارٹی میں منی لانڈرنگ خدمات فراہم کرتا تھا۔‘‘
ایک دن بینگن پارٹی کے لیڈر نے پوچھا،
’دمبشر، تم اور ڈوڈو ایک دوسرے کو کیوں بے نقاب کر رہے ہو؟‘‘
میں نے کہا،
’’بھائی جان، ہم در اصل کدو پارٹی کو بے نقاب کر رہے ہیں۔‘‘