مذہبی رسومات کی ادائیگی کے لئے 150 سے زائد بھارتی ہندو یاتری واہگہ بارڈ کے راستے پاکستان پہنچ گئے ہیں وہ 10یوم پاکستان میں قیام کریں گے ۔
بھارت سے لاہور پہنچنے والے 150 ہندو یاتریوں کا استقبال پھولوں کے ہار پہناکر اور پتیاں نچھاور کرکے کیا گیا ،تمام یاتری اس موقع پر بہت خوش دکھائی دے رہے تھے ۔
ہندویاتری سندھ کےعلاقے میر پور ماتھیلو کے مندر سوامی شردرام کی جنم دن کی تقریبات میں شرکت کریں گے۔
ہندو یاتریوں نےبتایاکہ انہیں پاکستان آنے سے پہلےبہت ڈرایاگیاتھا،مگریہاں آکر ان کی سوچ ہی بدل گئی،یہ تو محبتوں کی سرزمین ہے۔
ہندو یاتریوں کو واہگہ بارڈر سے خصوصی بسوں کے ذریعےلاہورلایاگیا،وہ یہاں ایک رات قیام کے بعدپیر کی صبح خصوصی ٹرین کے ذریعے سکھر کے لئے روانہ ہوجائیں گے ۔