امریکی وزیر خارجہ ریکس ٹلر سن نے کہا ہے کہ امریکا جوہری طاقت والے شمالی کوریا کو ہرگز قبول نہیں کرے گا اور پابندیاں اس وقت تک جاری رہیں گی جب تک پیانگ یانگ انتظامیہ اپنے جوہری پروگرام کو ختم کرنا شروع نہیں کر دیتی۔
ترک خبر رساں ادارے کے مطابق یہ بات انہوں نے کینیڈا کے شہر وینکوور میں جزیرہ نما کوریاکے تحفظ و استحکام کے لئے منعقدہ سربراہی اجلاس کے اختتام کے بعد پریس کانفرنس میں کہی۔
انہوں نے کہا کہ جوہری طاقت کا حامل شمالی کوریا ہمارے لئے ناقابل قبول ہے، امریکا اور شمالی کوریا کے درمیان براہ راست مذاکرات بہت دور کی بات ہے،ایک پائیدار مذاکرات ایک قابل اعتبار ساجھے دار کے ساتھ کئے جا سکتے ہیں۔
جبکہ شمالی کوریا تا حال خود کو ایک قابل اعتبار ساجھے دار کے طور پر نہیں دکھا سکاہے، لہٰذا ایسا ممکن نہیں ہے۔