سینیٹر طاہرمشہدی نے ایم کیو ایم پاکستان کے دونوں گروپوں سے لا تعلقی کا اعلان کر تے ہوئے کہا ہے کہ رابطہ کمیٹی کےحالیہ طرز عمل سےپارٹی کو نا قابل تلافی نقصان پہنچا ہے۔
طاہرمشہدی نے کہا کہ یہ نا لائق قیادت ہے جس کا کوئی ویژن نہیں، ایم کیو ایم پاکستان کی آپس کی لڑائیوں نے پارٹی کو تباہ کر دیا ہے۔ انہوں نے مزید کہا کہ صورتحال اگر ایسی ہی رہی تو ایم کیو ایم پاکستان آئندہ الیکشن بھی ہار جائے گی۔
واضح رہے کہ گزشتہ ماہ ایم کیو ایم پاکستان کے رہنما فاروق ستار کی جانب سے کامران ٹیسوری کا نام سینیٹ امیدوار کے طور پر سامنے آنے پر پارٹی میں اختلافات نے سر اٹھایا جو بحران کی صورت میں تبدیل ہوگیا اور ایم کیو ایم پاکستان دو دھڑوں یعنی پی آئی بی گروپ اور بہادرآباد گروپ میں تبدیل ہوگئی۔