پاکستان کرکٹ بورڈ کے چیئرمین نجم سیٹھی کا کہنا ہے کہ مجھ پر یقین کریں جو کہتا ہوں وہ کرتا ہوںایک خوشخبری پوری کردی اور دوسری خوشخبری آئندہ سال ملے گی۔
چیئرمین پی سی بی کے مطابق لاہور اور کراچی کو گرین سگنل مل گیا اور اب پشاور اور اسلام آباد کے میدانوں کو بھی آباد کریں گے۔ انہوں نے دوسری خوشخبری دیتے ہوئے بتایا کہ آئندہ سال آدھا پی ایس ایل پاکستان میں ہوگا۔
نجم سیٹھی نے مزید کہا کہ چاہتے ہیں کہ پی ایس ایل کے چوتھے ایڈیشن میں ڈبل ویک اینڈ میچز کرائیں، جمعرات اور جمعے کو متحدہ عرب امارات اور ہفتہ و اتوار کو میچز پاکستان میں کرائیں گے۔