کینز فلم فیسٹیول میں 16 مئی کا دن دنیا بھر کی فلم انڈسٹری سے تعلق رکھنے والی خواتین کے نام کیا جارہا ہے۔
اس دوران بھارت سے ٹائٹن فلم آئیکون ایوارڈ سری دیوی کے نام کرنے کا فیصلہ کیا گیا ہے۔جہاں اداکارہ کی بہترین پرفارمنسز کی جھلکیاں شائقین کے سامنے پیش ہوں گی۔
وہ بھارت کی پہلی خاتون سپراسٹار ہیں جنہیں فلمی دنیا کے سب سے بڑے فیسٹیول میں یہ اعزاز ملے گا۔
رپورٹ کے مطابق اداکارہ کے شوہر پروڈیوسر بونی کپور کا اس حوالے سے کہنا تھا کہ جھانوی، خوشی اور میں سری دیوی کو ملنے والے تمام ٹریبیوٹس کے لئے بےحد خوش اور شکر گزار ہیں۔
سری کی زندگی اور کام نے کئی لوگوں کے دلوں پر اثر چھوڑا۔ وہ لاکھوں لوگوں کے لئے مثال تھیں، وہ اپنے کام کی وجہ سے ہمیشہ زندہ رہیں گی-