امریکا میں سائنسدانوں نے ایک گھونگھے کی یادداشت دوسرے گھونگھے میں منتقل کرنے کا تجربہ کیا ہے، اس تجربے سے الزائمر کی بیماری کے علاج اور ذہنی دباؤ سے نجات میں مدد مل سکے گی۔
سائنسی جریدے جرنل ای نیورو کی رپورٹ کے مطابق یونیورسٹی آف کیلی فورنیا کی ایک ٹیم نے سمندری گھونگھے پر یہ تجربہ کیا ۔
اس تجربے کے دوران حاصل ہونے والا ریبونیوکلیک ایسڈ انجکشن کے ذریعے دوسری نسل کے گھونگھوں میں منتقل کیا گیا۔
سائنسدانوں کا کہنا ہے کہ انسانوں میں اس نوعیت کے تجربات کا فوری امکان نہیں لیکن جلد اس میں پیش رفت متوقع ہے۔