حکومت نے سرکاری اشتہارات کے معاملے پر کمیٹی بنادی جس کا نوٹیفکیشن جاری کردیا گیاجس کے مطابق صوبائی حکومت یا وفاق کو اشتہارات کے لیے کمیٹی سے اجازت لینا ہوگی ۔
وفاقی وزیر اطلاعات فواد چوہدری سرکاری اشتہارات کے معاملے پر بنائی جانے والی کمیٹی کے سربراہ ہوں گے۔
کمیٹی کا قیام وزیراعظم کی ہدایت پر وزارت اطلاعات نے کیا ، نوٹیفکیشن کے مطابق کمیٹی میں کےپی، پنجاب اور بلوچستان کے وزیر اطلاعات شامل ہوں گے۔
وزیراعظم کے معاون خصوصی افتخار درانی ، سینیٹر فیصل جاوید بھی کمیٹی کا حصہ ہوں گے، نوٹیفکیشن وزیر اطلاعات فواد چوہدری کے دستخط سے جاری کیا گیا۔