صدر مملکت ڈاکٹر عارف علوی نے کہا ہے کہ اسرائیل کو تسلیم کر رہے ہیں نہ تحفظ ناموس رسالت قانون بدلنے کا ارادہ رکھتے ہیں۔
گورنر ہائوس لاہور میں علمائے کرام کے وفد سے ملاقات میں صدر مملکت نے واضح کیا کہ اسرائیل کو تسلیم کرنے کی کوئی تجویز زیر غور نہیں۔
انہوں نے مزید کہا کہ پاکستان اسرائیل کے بارے میں مسلم امہ کے موقف سے مکمل طورپر متفق ہے۔
ڈاکٹر عارف علوی نے مزید کہا کہ حکومت تحفظ ناموس رسالت قانون میں کسی قسم کی تبدیلی کا ارادہ نہیں رکھتی، 295 سی کا غلط استعمال روکنے کیلئے علماء سے رہنمائی لیں گے۔
ان کا یہ بھی کہنا تھا کہ مولانا سمیع الحق کی شہادت پر تشویش ہے، ملزمان کو کیفرکردار تک پہنچایا جائے گا۔
صدر ِپاکستان نے کہا کہ مدارس اور مساجد کی رجسٹریشن میں حائل رکاوٹیں دور کی جائیں گی۔