معاشی سرگرمیوں کے میدان میں گیم چینجر کہلانے والا منصوبہ سی پیک ایک طرف پاکستان کی ترقی کی ضمانت ہے تو دوسری طرف چین کی عالمگیر معاشی برتری کی علامت بھی ۔
اس کھلے راز کو اب عام پاکستانی بھی سمجھ رہے ہیں اور مقامی سطح پر چینی زبان سیکھنے کا رجحان بڑھتا جارہا ہے۔
مستقبل کی ضرورتوں کے پیش نظر پاکستان انسٹیٹیوٹ آف مینجمنٹ نے تین ماہ پر مشتمل کورس کا انعقاد کیا ، جس میں چائنیز قونصل خانے کی ٹیچر نے مختلف شعبوں سے تعلق رکھنے والے افراد کو چائنیز زبان سکھائی ۔
کورس کے آخری روز طلباء نے چینی زبان میں ہی اپنا تعارف کرایا اور اساتذہ کا شکریہ ادا کیا۔
اس موقع پر چینی زبان کی ٹیچر کا کہنا تھا کہ سی پیک کی وجہ سے پاکستان میں چینی زبان کا مستقبل روشن ہے اور اسی لیے مختلف شعبوں سے تعلق رکھنے والے افراد چینی زبان سیکھنے میں دلچسپی لے رہے ہیں۔