بھارتی اپوزیشن جماعت کانگریس کے صدر راہول گاندھی نے وزیردفاع نرملا سیتارامن پر لوک سبھا میں غلط معلومات پیش کرنے پر ثبوت پیش کرنے یا مستعفی ہونے کا مطالبہ کیا ہے۔
بھارتی میڈیا کے مطابق راہول گاندھی کا کہنا ہے کہ وزیر دفاع نرملا سیتا رامن نےہفتے کو لوک سبھا میں رافیل ڈیل پر بحث کے دوران ہندوستان ایئروناٹکس لمیٹڈ کو ایک لاکھ کروڑ روپے کا سرکاری آرڈردینے کے معاملے پر جھوٹ بولا ہے۔
ان کا کہنا ہے کہ سیتارامن ایوان میں اپنے بیان کی حمایت میں دستاویز پیش کریں یا استعفیٰ دیں۔
راہول گاندھی کا کہنا ہے کہ ایچ اےایل کےپاس ملازمین کی تنخواہ ادا کرنے تک کی رقم نہیں، انیل امبانی کو رافیل ڈیل دیدی گئی، اب انہیں ایچ اے ایل کےتجربہ کار ملازمین چاہیے، بغیرتنخواہ کے ایچ اے ایل کےانجینئرز پر انیل امبانی وینچور میں جانے کیلئے زور دیا جائے گا۔