سانحہ ساہیوال کے مقتول خلیل کے بھائی جلیل نے وزیراعظم عمران خان کے استعفیٰ کا مطالبہ کردیا ہے۔
میڈیا سے گفتگو میں جلیل نے کہا کہ جے آئی ٹی رپورٹ میں مطالبات نہ مانے گئے تو شام 7 دوبارہ دھرنا دیں گے۔
انہوں نے وزیراعلیٰ پنجاب عثمان بزدار،صوبائی وزیر قانون راجا بشارت اور وزیر اطلاعات کے استعفیٰ کا بھی مطالبہ کیا ہے۔
حکومت پنجاب نے سانحہ ساہیوال کی تحقیقات کی لئے جے آئی ٹی تشکیل دی تھی، جس نے آج شام 5 بجے اپنی رپورٹ دینی تھی تاہم مہلت ختم ہونے کے باوجود رپورٹ سامنے نہیں آئی ہے۔
وزیراعلیٰ عثمان بزدار نے جے آئی ٹی سربراہ کی طرف سے کو مزید وقت دینے کی درخواست مسترد کردی ہے۔