پنجاب حکومت نے سابق وزیراعظم نواز شریف کو لاہور کے جناح اسپتال منتقل کرنے کا فیصلہ کر لیا ۔
سابق وزیر اعظم نواز شریف کو جمعہ کو کسی بھی وقت اسپتال منتقل کیا جا سکتا ہے،محکمہ داخلہ پنجاب نے نوٹیفکیشن جاری کردیا۔
پولیس نےسیکیورٹی پلان تشکیل دے دیا جبکہ نواز شریف کے لیے جناح اسپتال میں کمرہ بھی تیار کر لیا گیا ہے۔
نوٹیفکیشن کے مطابق نواز شریف کو انسانی ہمدردی کی بنیاد پر اسپتال منتقل کیا جا رہا ہے، جب تک ڈاکٹرز کہیں گے انہیں اسپتال میں رکھا جائے گا۔