پلوامہ واقعے اوربھارتی الزامات پرسیکریٹری خارجہ تہمینہ جنجوعہ نے کہا ہے کہ پاکستان پلوامہ حملے کے بھارتی الزامات کو مسترد کرتا ہے،بھارتی الزامات خطے کے امن کے مفاد میں نہیں۔
سیکریٹری خارجہ تہمینہ جنجوعہ نے غیر ملکی سفیروں کوبریفنگ دیتے ہوئے کہا کہ بھارت میں جان بوجھ کر پاکستان مخالف جذبات کو ہوا دی جارہی ہے.
انہوں نے کہا کہ پاکستان پر بغیر تحقیقات اور بنا شواہد الزام تراشیاں بھارت کا پرانا رویہ ہے، بھارتی الزام تراشیاں اور جارحانہ رویہ خطے کے امن کے لیے نقصان دہ ہے۔
واضح رہے کہ سیکرٹری خارجہ اس سے قبل اقوام متحدہ کی سلامتی کونسل کے مستقل اورغیر مستقل ممالک کے سفراء کو بھی بریفنگ دے چکی ہیں۔