بالائی پنجاب میں دھند کی شدت میں اضافے کے باعث بابو صابو انٹرچینج سے پنڈی بھٹیاں اور فیصل آباد تک موٹروے بند کردی گئی۔
ترجمان موٹروے پولیس عمران احمد کے مطابق دو روز سے جاری بارش کے بعد دھند کی شدت میں اضافہ ہو گیا، حد نگاہ صفر ہو جانے پر موٹروے لاہور سے پنڈی بھٹیاں اور فیصل آباد تک بند کر دی گئی۔
موٹر وے ترجمان نے لوگوں کو ہدایت کی ہے کہ دھند میں گاڑیوں پر فوگ لائٹس استعمال کریں، سفر کے دوران موٹروے پولیس ہیلپ لائن 130 اور ہم سفر ایپ سے معلومات حاصل کی جاسکتی ہیں۔