وفاقی محتسب برائے ہراسانی کشمالہ طارق نے کہا ہے کہ راولپنڈی چیمبر آف کامرس میں خواتین ڈے کے موقع پر تقریر کرتے ہوئے انہوں نے کہا تھا کہ لوگوں کو اپنے اختیارات خواتین کا استحصال کرنے کے لئے استعمال نہیں کرنے چاہئیں اور نہ اُن سے لنچ یا چائے کے لئے باہر جانے کا کہنا چاہئے، یہ بھی ہراسانی کے مترادف ہے۔
ٹوئٹر پر اپنے پیغام میں کشمالہ طارق کا کہنا ہے کہ ان چاہے ٹیکسٹ میسج اور سوشل میڈیا پر تعاقب بھی ہراسانی ہے، جس کے بعد میں نے مثالیں دیں، میڈیا کو سیاق وسباق سے ہٹ کر صرف ایک سطر نہیں لینا چاہئے۔