امام کعبہ شیخ عبداللہ عواد نے صدر مملکت ڈاکٹر عارف علوی سے ایوان صدر میں ملاقات کی۔
امام کعبہ نے کہا کہ پاکستان اور سعودی عرب کی سلامتی ایک دوسرے سے منسلک ہے،ہم ایک دوسرے سے کٹ کر نہیں رہ سکتے۔
ان کا کہنا تھا کہ سعودی عرب اور پاکستان امت مسلمہ کے مسائل کے حل کےلئے مشترکہ جدوجہد کررہے ہیں اور دونوں ملک ہر سازش کا مقابلہ کرنے کی صلاحیت رکھتے ہیں۔
اس سے قبل شیخ عبداللہ عواد پارلیمنٹ ہائوس پہنچے،وہاں انہوں نے اسپیکر قومی اسمبلی اسد قیصر، چیئرمین سینیٹ اور اراکین پارلیمنٹ سے ملاقاتیں کی اور ظہر کی نماز اسپیکر ہائوس میں پڑھائی۔