اسلام آباد (حنیف خالد) ریونیو ڈویژن کے وفاقی سیکرٹری و چیئرمین ایف بی آر ڈاکٹر جہانزیب نے پاکستان کسٹم سروس کے بنیادی سکیل 20 کے عہدیدار گل رحمٰن کو ڈائریکٹر جنرل آف ریفارمز اینڈ آٹومیشن (کسٹم) اسلام آباد مقرر کردیا ہے۔ ان کی ہدایت پر ایف بی آر کے ممبر ایڈمنسٹریشن شاد محمد خان نے نوٹیفکیشن نمبر 1057۔سی/2019 بدھ کی شام جاری کیا ہے۔ اس نوٹیفکیشن سے قبل گل رحمٰن پرفارمنس الائونس حاصل کر رہے ہیں ڈائریکٹر جنرل بننے کے بعد بھی ان کو یہ الائونس مسلسل دینے کا فیصلہ کیا گیا ہے۔