اے ٹی ایم مشین سے آپ نے پیسے نکلتے تو ہمیشہ دیکھے ہی ہوں گے مگر سانپ نکلتے ہوئے شاید ہی کبھی دیکھا ہو۔
جی ہاں ایسا ہی انوکھا واقعہ پیش آیا بھارتی ریاست تامل ناڈو میں جہاں اے ٹی ایم سے اچانک سانپ نکل آیا، جس کے بعد لوگوں میں خوف و ہراس پھیل گیا۔
تامل ناڈو کے ایک اے ٹی ایم کے اندر موجود 4 فٹ لمبا کوبرا سانپ گھس آیا جس کے باعث اے ٹی ایم سے پیسے نکلوانے کے لیے آنے والے شہری مشین میں سانپ دیکھ کر خوفزدہ ہوگئے۔
واقعے کے بعد فوری الرٹ جاری کیا گیا،جس پر ریسکیو اہلکار نے وہاں پہنچ کر سانپ کو اے ٹی ایم سے باہر نکالا۔