برطانوی دارالحکومت لندن میں شہزادہ ولیم اور کیٹ کے قافلے میں شامل پولیس موٹر بائیک کی ٹکر سے معمر خاتون شدید زخمی ہوگئی۔
شہزادہ ولیم کے کانوائے میں شامل گاڑی کو حادثہ ساؤتھ ویسٹ لندن میں پیش آیا جہاں شہزادہ ولیم تقریب میں شرکت کے لیے ونڈسر جارہے تھے۔
لندن پولیس کے مطابق خاتون کو اسپتال منتقل کردیا گیا ہے جہاں اس کی حالت تشویشناک بتائی جارہی ہے۔
شہزادہ ولیم نے متاثرہ خاتون کے اہل خانہ سے رابطہ کر کے واقعے پر دکھ کا اظہار کیا ہے۔