امریکی صدر ڈونلڈ ٹرمپ اپنی غائب دماغی اور لاعلمی کے باعث ایک بار پھر تنقید کا نشانہ بن گئے۔
میڈیا رپورٹس کے مطابق مذہبی منافرت کے شکار افراد سے ملاقات کے دوران ٹرمپ اپنی غائب دماغی کے باعث عجیب و غریب سوالات کرتے رہے۔
امریکی صدر نے نوبیل انعام یافتہ عراقی یزیدی خاتون نادیہ مراد سے بھی عجیب سوالات کئے۔
نادیہ مراد نے ٹرمپ کو بتایا کہ ان کی والدہ اور 6 بھائیوں کو داعش نے قتل کردیا تھا۔
اس پر ٹرمپ نے استفسار کیا کہ اب یہ لوگ کہاں ہیں؟ نادیہ مراد نے توقف کے بعد کہا وہ مار دیئے گئے۔
انہوں نے نادیہ مراد سے یہ بھی پوچھا کہ آپ کو نوبیل انعام کیوں ملا؟