امیر جماعت اسلامی سراج الحق نے کہا کہ قوم آٹا اور چینی بحران کے ذمہ داروں کے خلاف آپریشن کلین اپ چاہتی ہے تاکہ کرپٹ مافیا کو عبرت حاصل ہو۔
ایک بیان میں سراج الحق نے کہا ہے کہ آٹا چینی بحران میں ملوث لوگوں کی محض نشان دہی سے بات نہیں بنے گی، اُنہیں سزا بھی ملنی چاہئے۔
انہوں نے کہا کہ امدادی پیکجز کے اعلانات ہوتے ہیں مگر ان پر عمل نہیں ہوتا، مخیر حضرات غریب افراد کو سودا سلف خرید کر دیں۔
سراج الحق کا کہنا تھا کہ کوئٹہ میں ڈاکٹروں پر لاٹھی چارج کی شدید مذمت کرتے ہیں حکومت انہیں حفاظتی کٹس اور سامان مہیا کرے۔