بیلجئیم میں حکام نے کوروناوائرس کے سبب بڑھتی ہوئی ہلاکتوں کے پیش نظر ملک کے مردہ خانوں پر دباؤ کو کم کرنے کیلئے متبادل اقدامات شروع کردئیے ہیں۔
اس حوالے سے بیلجیئم کے والونیا ریجن کے شہر لئیج کی مقامی انتظامیہ نے پہلی مرتبہ متبادل کے طور پر ایک ریفریجریٹڈ ٹرک کا انتظام کیا ہے۔ جس میں بیک وقت 36 لاشوں کو رکھا جا سکتا ہے۔
سٹی انتظامیہ کے مطابق کورونا کے سبب عام جنازے نہیں ہو سکتے، جس کے باعث فیونرل ہومز پر اس وقت ڈیڈ باڈیز رکھنے کی جگہ کیلئے شدید دباؤ ہے۔
اس لئے تجرباتی اور عارضی طور پر ریفریجریٹڈ ٹرک کا انتظام کیا گیا ہے۔ جس میں بیک وقت 36 لاشیں رکھی جا سکتی ہیں۔
یاد رہے کہ بیلجیئم میں اب تک کورونا وائرس کے سبب 2523 افراد جاں بحق ہو چکے ہیں۔