وزیراعلیٰ بلوچستان جام کمال خان کی زیر صدارت فوڈ سیکیورٹی اور گندم کی خریداری پر اجلا س ہو ا، جس میں گندم کی خریداری کے عمل میں تاخیر پر تشویش کا اظہارکیا گیا۔
سیکرٹری خوراک بلوچستان نے وزیر اعلیٰ جام کمال کو بریفنگ دیتے ہوئے بتایا کہ گندم کی فروخت کے لیے کاشت کاروں پر نیب نے شرط عائد کی ہے۔
سیکرٹری خوراک نے کہا کہ نیب کی شرط کی وجہ سے مشکلات کا سامنا ہے، نیب کا اقدام گندم کی خریداری کے عمل میں رکاوٹ ہے۔
سیکریٹری خوراک بلوچستان کا کہنا ہے کہ فرد پیش کرنے کی شرط ختم کیے بغیر گندم خریداری ممکن نہیں ہے۔