کراچی (اسٹاف رپورٹر) انٹر نیشنل کرکٹ کونسل کی چیف ایگزیکٹیو کمیٹی میٹنگ 17 جون تک ملتوی کردی گئی ہے قبل ازیں یہ میٹنگ جمعرات کو ویڈیو لنک پر ہونا تھی۔ ذرائع کا کہنا ہے کہ آئی سی سی بورڈ میٹنگ شیڈول کے مطابق دس جون کو ہوگی۔ انٹرنیشنل کرکٹ کونسل نے اس سال آسٹریلیا میں ہونے والے ٹی ٹوئنٹی ورلڈ کپ کے بارے میں فیصلہ دس جون کے سالانہ اجلاس تک مؤخر کردیا ہے۔ ٹی ٹوئنٹی ورلڈ کپ اس برس اٹھارہ اکتوبر سے پندرہ نومبر تک ہونا ہے۔