گورنر پنجاب چوہدری محمد سرور کا کہنا ہے کہ اپوزیشن پلان بناتی رہ جائے گی اور حکومت اپنی آئینی مدت پوری کر لے گی۔
چوہدری محمد سرور نے علماء اور پارٹی وفود سے ملاقاتیں کی، اس دوران گورنر پنجاب چوہدری محمد سرور نے کہا کہ حکومت اور اتحادی ایک پیج پر اور اپوزیشن جماعتوں کا اپنا اپنا پیج ہے، ملک کو عدم استحکام کا شکار کر نے کی کسی کوشش کو کامیاب نہیں ہونے دیا جائے گا ۔
چوہدری محمد سرور نے کہا ہے کہ وزیر اعظم عمران خان جیسا کوئی لیڈر نہیں ہے وہ ملک کو مضبوط بنا ئیں گے۔
انہوں نے کہا کہ ریاستی ادارے مکمل ہم آہنگی کے ساتھ ملک وقوم کے لیے کام کر رہے ہیں۔
چوہدری محمد سرور کا کورونا وبا سے متعلق کہا تھا کہ کورونا ابھی ختم نہیں ہوا خطرہ موجود ہے لاپروائی نہیں احتیاط لازم ہے، احتیاط اور ایس او پیز پر عملدر آمد سے ہی کورونا کوشکست دی جاسکتی ہے۔
اُن کا کہنا تھا کہ عید الاضحٰی پر کورونا پھیلاؤ روکنے کے لیے علماء کوکردا ر ادا کرنا چاہیے۔