صدر مرکزی تنظیم تاجران پاکستان کاشف چوہدری کا کہنا ہے کہ عید سے قبل لاک ڈاؤن کی باتوں نے تاجروں کوشدید تشویش و اذیت میں مبتلا کر دیا ہے۔
کاشف چوہدری نے میڈیا سے بات کرتے ہوئے بتایا کہ حکومت کا کام شوشے اور افواہیں چھوڑنا نہیں مسائل حل کرنا ہونا چاہیے، عید سے قبل دکانیں بند کرنے کی تجویزکسی صورت قابل قبول نہیں ہے۔
انہوں نے سوال کیا کہ حکومت پر امن تاجروں کو کیوں احتجاج کے راستے پر دھکیلنا چاہتی ہے ؟ حکومت کی غلط حکمت عملی و فیصلے کورونا کو پھیلانے کا سبب بن سکتے ہیں۔
صدر مرکزی تنظیم تاجران پاکستان نے کہا کہ عید کے ایام میں کاروبار کے اوقات بڑھاکر ہی رش پر قابو پایا جاسکتا ہے، انہوں نے عید تک 24 گھنٹے دکانیں کھولنے کا مطالبہ بھی کیا۔
انہوں نے کہا کہ حکومت کاروبار بند کروا کرپولیس اور انتظامیہ کی دیہاڑیاں لگوانا چاہتی ہے۔