سینیٹ اجلاس میں کلبھوشن کو اپیل کا حق دینے سے متعلق عالمی عدالت انصاف نظرثانی ترمیمی آرڈیننس پر کڑی تنقید کی گئی۔
پاکستان مسلم لیگ (ن) سینیٹر پرویز رشید نے سینیٹ میں اظہار خیال کرتے ہوئے حکومت پر تنقید کی اور کہا کہ وزیراعظم عمران خان کہتے تھے کہ وہ کلبھوشن کو پھانسی دیں گے۔
انہوں نے مزید کہا کہ ہم پوچھنا چاہتے ہیں کہ پھانسی کی وہ رسی وزیراعظم نے کس استعمال میں رکھی ہے؟
وزیر قانون سینیٹر فروغ نسیم نے کہا کہ آئی سی جے کا فیصلہ نہیں مانتے تو بھارت سیکیورٹی کونسل میں قرارداد لے آتا۔
انہوں نے مزید کہا کہ کلبھوشن کو کوئی سہولت نہیں دی جا رہی ہے۔
جماعت اسلامی کے امیر سراج الحق نے اظہار خیال کرتے ہوئے کہا کہ کلبھوشن کے ساتھ وہی ہو گا جو ہماری عدالت نے فیصلہ کیا ہے۔