پاکستان ٹی وی انڈسٹری کی مقبول ترین اداکارہ حرا مانی نے عید الاضحیٰ کے موقع پر خوبصورت رنگین ساڑی کا انتخاب کیا جو مداحوں کی جانب سے خوب پسند کیا جارہا ہے۔
سماجی رابطے کی ویب سائٹ انسٹاگرام پر شوہر سلمان شیخ المعروف مانی کے ہمراہ تصویریں شیئر کیں اور ساتھ ہی اپنے چاہنے والوں کو عید کی مبارکباد دی۔
ایک اور پوسٹ میں حرا نے مانی کے ہمراہ چلتے ہوئے ایک سلو موشن میں بنائی گئی ویڈیو بھی شیئر کی۔
عید کے دن تو حرا نے رنگین ساڑی پہنی لیکن رات میں آؤٹنگ کیلئے کالی ساڑی کا انتخاب کیا، جس میں خوب پیاری لگ رہی تھیں۔
تصویر شیئر کرتے ہوئے انہوں نے مداحوں سے پوچھا کہ اُن کی عید کیسی گزر رہی ہے۔
ساتھ ہی انہوں نے تصویر لینے کا کریڈت شوہر مانی کو خوبصورت انداز میں دیا۔
حرا نے مانی کو تیگ کرتے ہوئے لکھا کہ ’فوٹو کریڈٹ میرا پیارا سا میاں مانی۔‘
واضح رہے کہ اداکارہ حرا مانی نے عید الاضحیٰ کے موقع پر لگائی گئی مہندی پر اپنے دونوں بیٹوں ابراہیم اور مزمل کا نام لکھوایا تھا۔