سعودی عرب کے دارالحکومت ریاض کی ایک کمشنری کے محکمہ تعلیم کے سربراہ اور سیکرٹری سمیت عملے کے متعدد افراد میں کورونا وائرس کی تصدیق ہوگئی ہے۔
ریاض میں تعلیمی سال کے پہلے ہفتے میں مذکورہ کمشنری کے محکمہ تعلیم کو وقتی طور پر بند کر دیا گیا ہے، محکمہ تعلیم کا کہنا ہے کہ سربراہ اور سیکرٹری سمیت عملے کے متعدد افراد میں وائرس کی تصدیق ہونے کے بعد پورے دفتر کو بند کر کے صفائی اور جراثیم کش ادویات کا اسپرے کیا جا رہا ہے۔
محکمہ تعلیم کے مطابق کورونا وائرس کا شکار ہونے والے افسران اور اہلکاروں کی صحت مستحکم ہے تاہم انہیں قرنطینہ کیا گیا ہے۔