وسطی امریکی ملک میکسیکو کے دارالحکومت میں ایک نالے کی صفائی کے دوران انسانی قد کے برابر چوہا برآمد ہوا ہے۔
میونسپلٹی ادارے کے ورکر ز اس وقت حیران ہوگئے جب انہوں نے ایک بڑے نالے کی صفائی کے دوران 22 ٹن کچرا نکالا تو نالے کے بالکل نیچے سے ایک انسانی سائز کا چوہا برآمد ہوا۔
سوشل میڈیا پر وائرل ویڈیو میں دیکھا جاسکتا ہے کہ سڑک کے کنارے ایک انسانی قد کے برابر چوہا موجود ہے۔
مگر ورکر جب اس کے قریب پہنچے تو انہیں اندازہ ہوا کہ یہ چوہا اصلی نہیں بلکہ انسانی قد کے برابر چوہے کا ایک مجسمہ ہے، تاہم سوشل میڈیا پر لوگ اس ویڈیو کو دیکھ کر خوب حیران ہورہے ہیں اور ویڈیو پر خوب مزے مزے کے تبصرے کررہے ہیں۔