وزیرِاعظم عمران خان کے معاون خصوصی برائے سیاسی ابلاغ شہباز گل نے کہا ہے کہ رونا دھونا مسلم لیگ (ن) کا مقدر بن چکا ہے۔
اپوزیشن کی سب سے بڑی جماعت ن لیگ کی ترجمان مریم اورنگزیب کے بیان پر ردِعمل دیتے ہوئے شہباز گل نے کہا کہ ن لیگ کے درباری بوکھلاہٹ کا شکار ہیں، رونا دھونا ان کا مقدر بن چکا ہے۔
انہوں نے مزید کہا کہ ن لیگ کی دوغلی اور منافقت پر مبنی سیاست بے نقاب ہوچکی ہے۔
شہباز گل نے یہ بھی کہا کہ اپوزیشن اتحاد پی ڈی ایم کی پشاور میں ناکام جلسے کے بعد ملتان میں بھی سبکی ہوگی۔
ان کا کہنا تھا کہ اداروں کے خلاف بیانیہ لانے والوں کو عوام مسترد کرچکی ہے۔