صوبہ خیبر پختون خوا کے دارالخلافہ پشاور کے علاقے قادر آباد روڈ پر واقع ایک گھر میں گیس لیکیج کے باعث دھماکا ہوا ہے جس کے نتیجے میں آگ بھی لگ گئی۔
ریسکیو حکام کے مطابق دھماکے کے نتیجے میں ایک بچہ جاں بحق جبکہ 5 افراد زخمی ہو گئے، زخمیوں کو لیڈی ریڈنگ اسپتال منتقل کر دیا گیا ہے۔
ریسکیو حکام کا مزید کہنا ہے کہ متاثرہ خاندان کے افراد لاہور سے پشاور بطور مہمان آئے تھے، آگ کے باعث ایک کمرہ اور صحن میں رکھا سامان جل گیا ہے۔
ریسکیو حکام کا یہ بھی کہنا ہے کہ فائر فائٹرز نے دھماکے کے بعد گھر میں لگنے والی آگ پر بھی قابو پا لیا ہے۔