خیبر پختون خوا کے دارالخلافہ پشاور میں تعلیمی اداروں سے غیر حاضری پر 80 خواتین اساتذہ کو شوکاز جاری کر دیئے گئے ہیں۔
ڈسٹرکٹ ایجوکیشن آفیسر ثمینہ غنی نے خواتین اساتذہ کو شوکاز جاری کیا ہے جس میں کہا گیا ہے کہ انڈیپنڈنٹ مانیٹرنگ یونٹ نے پرائمری، مڈل، ہائی اسکولز کی 80 اساتذہ کو غیر حاضر پایا۔
جاری کیئے گئے شوکازمیں کہا گیا ہے کہ غیر حاضر خواتین اساتذہ کی ایک دن کی تنخواہ بھی کاٹی جائے گی، 7 روز میں جواب نہ دینے پر اساتذہ کے خلاف محکمانہ کارروائی ہو گی۔