وزیراعلیٰ پنجاب سردار عثمان بزدار کے اہل خانہ کے کورونا وائرس ٹیسٹ منفی آگئے۔
وزیراعلیٰ پنجاب عثمان بزدار کا کورونا ٹیسٹ مثبت آنے کے بعد اُن کے اہل خانہ کے کورونا وائرس کے ٹیسٹ کرائے گئے تھے۔
عثمان بزدار کا اس حوالے سے کہنا ہے کہ اللّٰہ تعالی کے فضل و کرم سے فیملی کے تمام افراد کے ٹیسٹ منفی آئے ہیں۔
انہوں نے کہا کہ الحمد اللّٰہ میری طبیعت میں مزید بہتری آئی ہے، فی الحال قرنطینہ میں ہوں۔