وزارت خزانہ اور انڈپینڈنٹ پاور پروڈیوسرز (آئی پی پیز) کے درمیان 450 ارب روپے کی ادائیگی کا معاہدہ طے پاگیا۔
حبکو نے سینٹرل پاور پرچیزنگ ایجنسی (سی پی پی اے) کو معاہدے کے متعلق معلومات جمع کرادی ہے۔
دستاویز کے مطابق آئی پی پیز نے پاکستان اسٹاک ایکس چینج کو ابتدائی معاہدے سے آگاہ کردیا ہے۔
دستاویز کے مطابق حبکو سمیت 2 درجن آئی پی پیز نے حکومت کے ساتھ ابتدائی معاہدہ کرلیا ہے۔
دستاویز کے مطابق معاہدے کے تحت آئی پی پیز کو منافع کی ادائیگی ڈالرز کے بجائے روپے میں ہوگی۔
وزارت خزانہ اور آئی پی پیز کے درمیان ہوئے معاہدے کی حتمی منظوری متعلقہ کمیٹی اور وفاقی کابینہ سے لی جائے گی۔